تعليقات زي العسل ...

السلام عليكم .....

كلنا يعرف مشكلة الكهرباء في مصر ، وسببها نقص امدادات الغاز طبعا اللي بتشغل الاحمال اللي بتولد الكهرباء ..

وأخيرا قالوا الحقيقة مش زي ماسمعنا في اول المشكلة إن التكييف السبب .......

..............

ما أعجبني اليوم بعض تعليقات المصريين على ما آل إليه أمر الكهرباء و انقطاعها عن مناطق ومناطق لأ ..

1

يااخواني مصر الأن في غرفة انعاش مصابة بسكتة دماغية في نظام الحكم وذبحة صدرية في وزارة التموين وفشل كلوي مزمن في وزارة الكهرباء وتليف كبدي في وزارة الصحة وضيق تنفس في وزارة المواصلات وعقم في وزارة القوي العاملة وضيق شرايين في وزارة الإسكان وسرطان في وزارة الزراعة وشلل في وزارة الصناعة ونقص المناعة المكتسبة في وزارة الدفاع والزهايمر في وزارةالأوقاف

( وبعد كل ده عايزينها تعيش )  

2

التلفزيون المصري دعما منه لترشيد الكهرباء إيقاف عرض مسلسل العمة "نور" و إيضا حرمان الأطفال من برنامج علاء الدين و "المصباح" السحري .. و قرر تغيير أسم برنامج الدكتور علاء صادق من ظلال و "أضواء" إلي ظلال و "ضوء" واحد بس عشان ميسحبش كهرباء .. و يعلن يوميا عرض الفيلم الشهير للزعيم ..."أمير الظلام" و يتم تكراره في بعض المناطق و في مناطق أخري تطول فترة عرضه ل 3 و 4 ساعات

(وزارة الاعلام  بترشد الكهرباء وإحنا معاهم )

3

الله الله يا عمر فقد كان ذات يوم شديد الحراره حتى ان الحراره تكاد تصهر الجبال فى المدينه واذا بعثمان بن عفان يرى شخصا يروح وياتى ويجرى فى هذا الجو الشديد الحراره فاذا هو عمر بن الخطاب امير المؤمنين يبحث عن ناقة من ابل الصدقه فساله عثمان ان يا امير المؤمنين تعالى الى الماء البارد والظل ولنبعث احدا يبحث عنه قال يا عثمان عد الى مائك وشرابك اانت ستسال عنه امام الله ام انا......... فاين انت يا عمر؟؟؟؟؟؟؟؟؟؟؟؟؟؟؟؟

4

فوائد انقطاع الكهرباء 1-منشوفش اللى بيحصل فى الدنيا(فلسطين - العراق - افغانستان..........)ويبقى خلصت ضميرك من ربنا. 2-منشوفش الحشرات والمسامير الموجوده فى رغيف العيش. 3-منشوفش هننتخب مين الا بعد الأنتخابات. 4-علشان تستغنى عن البصر وتقوى البصيره

5

المفروض تغير الوزارات الى00وزارة امير الظلام علشان الشعب ينام 00وزارةالجباية والانتقام علشان الشعب نام 00وزارة النقل السريع للاخرة بدون الم 00وزارة التعليم والبهدلة لتخريج العاطلين والشحاتين 00وزارة السوم اتلتموينية الفطرية للامراض المستعصية 00 وزارةسرقة الاعضاء البشرية للتصدير مع استيراد الفاسد من كل شى00وزارة الضمان بعدم وجود الضمان الاجتماعى (ابو جنية ونص فى اليوم)00وزارة الفتنة والفتاوى00 وكفاية كدة يكون الشعب خلاص مالاص0000 هيئة الزبالة فى كل مكان

6

هل تعلمون أن ما وصلنا اليه من حال هو من انفسنا لماذا؟ بمنتهى البساطة هى معادلة بسيطة ديكتاتورية + سلبية الشعب = قمة القمع والخوف الوزارات جميعا غير مقصرة طالما أنها ترضى من يحكمها ولكن عندما يتغير المفهوم وتعمل على رضا الشعب تأكدوا أن هذه المشكلة لن تظهر من الاصل . أنا بأتعجب أن خدام الشعب أصبحوا اسيادها( لا تتعجبوا فهم بالفعل خدام الشعب فالوزير برئيسه خادمين للشعب) ولكن نحن جعلناهم ملوكا ويدوسوه علينا بأحذيتهم وبالرغم من ذلك نحن لا نعجبهم وزهقوه مننا وبيدوروا على شعب أخر بس أحنا هنطلعلهم لسانا ونقولهم مش هتلاقوا زيينا

7

اظن انه منتهى العيب والخيبة اللى احنا بنمر به هذه الايام ... فى الوقت اللى العالم فيه بيتكلم فى رحلات الفضاء والهندسة الوراثية و النانو تكنولوجى.. احنا لسة بنتكلم فى انقطاع الكهرباء والمياه و انفجار مواسير الصرف الصحى ....رجعونا 50سنة للوراء...مش كده وبس ده كمان بقى شكلنا زباااالة بين دول المنطقة ....معدش لينا كرامة ولاحد حيحترمنا علشان احنا دولتنا الحبيبة مبهدلانا وبيعاملونا كالحيوانات....انا نفسى اعرف الجماعة دول ولاة امورنا بيناموا ازاى....؟؟؟؟؟؟اللهم اضرب الظالمين بالظالمين و اخرجنا منهم سالمين........امضاء....80مليون مصرى الا الف شخص 

8

على فكرة قطع النور دة لية فوايد كبيرة 1- اكل عيش لمصانع الشمع والعمال اللى فيها 2- تقدر تعرف مين معاة موبايل من اللى ممعهوش ( بتلاقى الناس ماشية فى الشوارع ونور الموبايل قدامها) 3- الاجهزة الكهربية بترتاح شوية وبالمرة نوفر الكهرباء والفاتورة 4- واحد مش طايق مراتة اهوة بيعمل زى الماس من غير مش يشوف وشها العكر 5- بيساعد الحرامية انهم يقوموا بشغلهم بكفأة 6- دعوة للتعارف وبتلاقى الناس كلها خارجة من بيوتها وقاعدين على المصاطب يتهوو 7- الكشافات الصينى شغالة اخر حلاوة 8- وكمان العلم نور واحا متعلمين ومنورين وقاعدين فى بيوتنا يبقى هنعوز كهرباء لية