السلام عليكم
لا تعليق على الصورة ...
ولكن ما مناسبتها ؟
.........................................
اليوم في ساعة مع شريف استضاف سمير غانم ...........
وكان حوار لذيذ طغى على الاكل ..... (المفروض الفقرة لوصفات أكل جديدة )
اولا كانت الاصناف ألذ من الحوار بالرغم إن الكاميرا كلها متركزة على الكنج سمير غانم ........
كان عبارة عن كفتة تحفة مع مكرونة وجنبة في الفرن ، أرز باللبن ، توست بالثوم وخلطة البتزا ......
أممممممممممممممم كان أكل آخر حاجة ............. اللهم إنى صايمة .............
نيجي بقه عند المهم :
سأل شريف الاستاذ سمورة الامورة عن رأيه في ارتفاع الاسعار ........
كانت الاجابة جامدة موت .::!::. .::!::.
سمورة : احنا كتير أوي يا شريف ، ربنا يكون في عون الحكومة ، وعلى فكرة احنا احسن من غيرنا بكتيـــــــــــــــــــــــر
الواحد من دول ياكل ويخلف ، ويزرب ،وووو
...........................................................................
دمي اتحرق يا جدعان ... لغاية امتى الناس دي حتحس بغيرهم ؟؟
طب انرفز نفسي ليه !!! ممكن يكون راجع لعدة اسباب :
1- مثلا لا يسمع و لا يرى الا ما تصدره الحكومة ده اذا رأى أوسمع حاجة عن البلد .
2- ما بتفرق معاه ارتفعت الاسعار ولا لأ ، لانه ببساط مش هوة اللي بيشتري ولا يعرف حتى الاسعار الاول كانت ايه .
3- او انه مبذر او بمعنى اصح غني ، والاغنياء في عصرنا الذهبي قصدي النحاسي .. ما لهم صله بالفقراء ولا يعرفوهم و لايعرفوا مشاكلهم ... يعني بصراحة اناني ... سلبي ... وانامالي بيهم كده يعني
.........................................................
خزوق الا يكون اللي بيفكر فيه ومقتنع بيه سموره ، يكون نفسه رأي الحكومة و رجال الأعمال واللي حاكمينا
لكم الله يا فقراء مصر ..............
«جحيم الأسعار» فى رمضان: أوله غلاء وأوسطه جشع.. وآخره مواطن فى «قلب النار»
ده كان مانشيت للمصري اليوم ..........
وطبعا بعد الحسبلة والحوقلة ( يعني قول حسبنا الله ونعم الوكيل ، ولا حول ولا قوة الا بالله ) في التعليقات .........
وجدت إن الادارة هي الاساس يعني ......
التخطيط و التنظيم و المتابعة و الرقابة من اهم وظائف الادارة ........
اكيد الحكومة الميمونة عندها خبر من زمان في زيادة الاسعار في رمضان
فتقدم خطة محترمة .. فيها سبل مكافحة الغلاء و توفير الاساسيات للحاج محدودي الدخل .......
وبعدين تقوم ايه ... عملة فيها الراجل الحمش وتنزل الاسواق وتورينا بقة انتفاضة حكومة ...... عشان مافيش حد يشمت فيها
ثم تراقب السلع والتسعيرة و الغش ...... وصلوا بينا ع اجدع نبي
................................
كل ماافتكر زيادة الاسعار افتكر عمو السادات لما غلا على الناس حاجة فقاموا قومة رجالة ................
ايون ... احنا محتاجين نقف زي وقفة عابدين
وربنا يجعله عامر
0 التعليقات:
إرسال تعليق